Zerbitzu kiritikoa behar duten enpresa, profesional eta gainerakoei beraien beharrak asetuko dizkieten Internet konexioak eskaintzen ditugu.

Abailak era desberdinetara eskaintzen du Internet konexioa, beharraren arabera eta kasu bakoitzean teknologia egokiena eskaintzen saiatzen garelarik.

Ahal den guztietan sare askeen bitartez eskaintzen saiatzen gara gure zerbitzua, baina ez da beti posible izaten.

Orokorrean zuntz optiko bidezko konexioa izaten da egokiena, baina zuntz optiko konexioko aukerarik ez badago edota beste arrazoiren bat medio, 4G router bidez, irrati-esteka bidez edota satelite bidez eskaini dezakegu konexioa.

 Abaila-k zuntz optiko bidezko Internet konexio profesionalak eskaintzen ditu Euskal Herrian zehar, ondorengo sistemak erabiliz nagusiki:

• Hegoaldeko leku ezberdinetan dauden zuntz sare askeak erabiliz
• Hegoaldeko lau herrialdeetan Movistar-en sare gainean NEBA edo MasOrange-ren sare gainean Bitstream bidez
• Iparraldean Guyes eta France Telecom-en sareak erabiliz

Abaila-k RIPE-ko kide da IPv4 eta IPv6 helbideak dituelarik bere izenean, eta bezeroaren beharrez arabera ematen du zerbitzua.

Internet sarbidea teknikoki nola egiten dugun jakin nahi baduzu, gure blog-ean baditugu sarrera batzuk horren inguruan.

Zuntz bidezko internet konexioa izateko aukerarik ez badu, edota beste arrazoiren bat medio irrati bidezko Internet konexioa nahi baduzu, Euskal Herriko puntu askotan eskaini diezaizukegu zerbitzua, elkarbanatutako sare askeen bitartez (GuifiEH eta EHSA besteak beste) edota elkarlanean jarduten dugun beste operatzaile batzuen sarea erabiliz.